Episode 124: Basa Redjang-"Cerita Yesus".3gp

"Firman Hidup", "Kabar Baik" dan "Lagu Injil" - Di Indonesia Bahasa, Dialek dan Bahasa Ethnis. / "Words of Life", "Good News" and "Gospel Songs" - In Indonesia Language, Dialects and Ethnic Languages.

Redjang Language - "Jesus Story".3gp // 1 KORINTUS 15 - Tetang Kristus idup igai1 Uyo, Saudaro-saudaro, uku lok udi minget igai Bito Baik kunei Allah de uku melei namen bel'o ngen udi. Udi temimone, lajau pecayo ngen Kristus kerno Bito Baik o. 2 Amen udi kuet bepegong pado jano de uku melei namen o, mako Bito Baik o semlamat udi; kecuali amen Saudaro pecayo coa gen taine.3 Yes. 53:5-12 Jano de uku semapei ngen Saudaro-saudaro adeba de sudo uku temimo kulo. De penting, awei de tetulis lem Kiteb Sucai, uku semapei ngen udi bahwo Kristus matei kerno duso-duso ite; 4 Mzm. 16:8-10; Mat. 12:40; Kis. 2:24-32 bahwo Kristus kenubua, tapi sesudo'o idup igai pado bilai ketelau. Do'o kulo tetulis lem Kiteb Sucai. 5 Mat. 28:16-17; Mrk. 16:14; Luk. 24:34, 36; Yoh. 20:19 Uku melei namen kulo ngenko bahwo Kristus de idup igai kemten kulo dirai-Ne ngen Petrus lajau ngen keduai belas rasul. 6 Sesudo'o Kristus kemten dirai kulo ngen lebiak kunei lemo otos penotoa-Ne. Dau kunei tobo'o sapei uyo masiak idup, cuma kekedau tun de sudo ninggea. 7 Sesudo'o Kristus kemten dirai kulo ngen Yakobus ngen sesudo'o ngen kute rasul.8 Kis. 9:3-6 Terakhir sekilai, Kristus kemten dirai ngen uku kulo – uku de awei cupik de laher coa pado waktaune! 9 Kis. 8:3 Uku adeba rasul Tuhan de paling tembeak. Uku coa patut senbut rasul, sebab uku sudo semikso jemaat Allah. 10. Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku. 11 Jijai, kunei api bae udi temimo Bito Baik o – jano do'o kunei uku atau kunei rasul-rasul de luyen – do'o coa jijai soal. De penting adeba keme melei namen Bito Baik o ngen Saudaro pecayo.